च्वाकिं भर्सेज च्वापुका

नेवाः सन्देश / दँ १ क ल्याः ३४ क ने.सं. ११३२ तछलागा चःर्‍हे / ई.सं 2012 june 18 / वि.सं.२०६९ असार ३ / सोमवाः (newasandesh)
(च्वाकिं व च्वापुकाः ख्वाः ख्वाः चूलाकाः छगः टेबलय् चुल्या दिकाः ल्हाः ल्वाकाच्वनी । )
च्वापुकाः मखु अय् च्वाकिं ... गुखुनहु थ्व संविधान सभा विघटन जुल ... वयां लिपाया दिनंनिसें झी थ्व चकं दबुलिइ धेंधें बल्लाः कासा हे न्हयानाच्वन धाःसां छुं पाइमखु हला ?
च्वाकिंः- गय् धें धें बल्लाः कासा धैगु ? ... शक्ति प्रदर्शन धाले शक्ति प्रदर्शन ...
च्वापुकाः का म्वाःलका शक्ति प्रदर्शन हे धायेका ... गज्याःपिं मनूत धया थुपिं माःथाय् शक्ति प्रदर्शन याना क्यनेफुगु मखु ... शक्ति प्रदर्शन धैगु ला व संविधान सभाय् धकाः क्यने फयेके माःगु ... शक्ति प्रदर्शन धैगु ला व संविधान सभाय् धकाः क्यने फयेके माःगु ... शक्ति प्रदर्शन यायेगु थाय् चाहिं विघटन यायेगु हँ ... चकं दबुलिइ वयाः शक्ति प्रदर्शनया उद्घाटन यानाच्वन का स्व ...
च्वाकिंः छु मस्या मस्या छ्यं स्याकाः शक्ति प्रदर्शन ... शक्ति प्रदर्शन धकाः हाला च्वनागु धयाः ... २२ दलया २२ हजार हे मनूत मुंके मफुगु सभायात नं छुं शक्ति प्रदर्शन धायेगु न्हाय् हे वंक ....
च्वापुकाः स्वनिगःया जनतातय्सं थुपिं संघीयता विरोधीतय्गु धोती फुस्कय् याना बीमाः धकाः चीर हरण याना ब्यूगु धाःसा थिक जुय हला उखुन्हु ?
च्वाकिंः उपिं ला म्वाल का संघीयता विरोधी जुल धकाः जनतां तम्वं उमिगु सभाय् ब्वति मकासें विरोध प्वंकल धाये का ... तर प्रजातन्त्र विरोधी ... जन आन्दोलनया भिलेन ... ज्यानमाराचिगु सभाय् २२ दलया सिबें अप्वः गय् जुयाः मनूत खनेदुगु ले ? व धकाःसा अजूचाइपुगु खँ ...
च्वापुकाः मनु मू खँ धैगु ला छु अजूचाइपुगु खँ जुल धकाः ... अजूचाइपुगु खँला अज्याःम्ह ध्वंप्वालय् सूवने धुंकूम्ह मनू थौं झीगु थःथःगु ल्वापुया फाइदा कयाः छाती फर्केयानाः झी न्ह्यःने थिंगरिंग दंवय् फुगु धकाः अजुचाइपुगु खँ जुल ...
च्वाकिंः गन जुय धकाः व अजूचाइपुगु खा ... वला झीगु लागिइ ग्यानापुगु खँ जुलका ... सिइ धुंकूगु राजसंस्था यात थना हयेगु धकाः धाःगु भूतयात थने धाःगु मखु ला ? हानं झीत भूतं दुःख बिल कि 'राम नाम सत्य हय्' मजू ला ?
च्वापुकाः वहे भूतयात बौ बीत ला उखुनहुया 'विशाल आमसभा' जूगुनि ... उलिनं मस्यू ला छ च्वाकिं नं ... व १ गतेया सभां ला थारान्हुइ माःपिं फुक्क. थारा हे न्हुल जुइ ।
च्वाकिंः मेपिं थारा न्हू मन्हू सिबें नं व कम्यूनिष्टया जात धैगु दइमखु । उकें जि नेवाः मखु धाःम्हेसित थारा न्हुइकेगु जक मखु कि थारा न्हुइकाः सात्तू कायेमायेक झारा नं याकेमाल का ... अले जक फुकक संघीयता विरोधीतय्गु छाती भाराभारा मिनी ।
च्वापुकाः मखु धया च्वाकिं ... थुपिं एकल जातीय पहिचान सहितया संघीयता खनाः छाय् थारा न्हुयाच्वंगु जि ला धात्थें छक्क जुल बा ऽ ऽ ऽ
च्वाकिंः छ छाय् छक्क जुइमाःगु ... छं थःगु हालिमुहाली याये मखन कि छ छक्क जुइकि कर्पिन्त पक्क याइ ... अथे धैथें ला खःनि ... थःथःगु स्वार्थ पूवंके खनीमखु धकाः संघीयताया विरोध यानाच्वंपिन्त व १ गतेयागु सभा ला छगू तःधंगु हे झापड जुल बा ऽ ऽ ऽ
-च्वाकिं नं च्वापुकाःयागु ल्वाकाच्वंगु ल्हाःपा टेबुलय् क्वःथली ।)

नेवाः सन्देश *  दँ १ * ल्याः ५ व ६* ने.सं ११३२ थिंलाथ्व नवमि * ई .सं 2011 Des .5 * वि.सं. २०६८ मंसिर १९ सोमवाः * Newa Sandesh

-च्वापुकाचा न्यासी न्यासी चाचां । लय्तातां प्याखं ल्हुया च्वनी । च्वाकिं वातां च्वनाः स्वयाच्वनी ।
च्वापुकाः ( अय् ध्वग्गीइ ख्वाः ... बजाःया भाः ... थथे हृवारा हृवारां थाहां वनेमते थुखे जनताया हृवगं म्हिचा ..... थिकय् यानाः सकतां म्वाय्गु गथे -
च्वाकिं ( अय् देशय् मदुम्ह च्वापुकाःचा ..... छ छु धकाः लय्लय् तातां ..... बजाःभाः थाहां वनानं प्याखं प्याखं ल्हुया च्वनागु हां -
च्वापुकाः ( उका मखं ला लुँया भाः बागू लाख सिबें नं अप्वः थ्यंगु ... उकिया हे लसताय् प्याखं ल्हायाः, म्ये हाला च्वनागु धायेलाकि म्ये हालाः प्याखं ल्हुया च्वनागु धाय् ... हा ˜ हा ˜ ˜ ˜
च्वाकिं ( मनूतय् अन लुँया भाः सगरमाला गःवनाः लुँ पूछि न्याये मखनाः थन जिमि गज्याःगु टेन्सन । न्हूगु तिसा छजु दयेेके मखंगु जुग पुले धुंकल ... । उया चाहिं लय्ताः वःका ... पाकः मिसाया भाःत ...
च्वापुकाः ( यग्गु धा ... पाकः मिसाया भाःत धा ... याकः मिसाय भाःत धा ... दः छुं पाइमखु ..... लुँया भाः गुलि थाहांवन उलि जितः फाइदा अँ ...
च्वाकिं ( फाइदा -! गनं छं लुँया स्मग्लीङ्ग यायेगु शुरु याना ला कि छु - कि लुँया त्याः त्याः वैथाय् जागिर जुल छंगु हाँ - फाइदा धायेत ।
च्वापुकाः ( फेल ... फेल ... फेल... छ फेलका ... आम छं न्गभक याःगु निगुलिं खँ मिलय् मजू -
च्वाकिं ( मिलय् मजूसा थजु ले ... जितः छु ... तर आम फेल फेल धकाः हेडमाष्टर पहः वयेक हालेमाःगु छाय् - जिन्दगीइ थौंतक छुं नं जाँचय् फेल मजूनि जि ... छ च्वापुकाःचां फेल धकाः फेल जुइम्ह ला जि ।
च्वापुकाः ( जू ला मजू ला - ... अप्वः च्वाकिंचा जुया जुलकि फेल जक मखु खेल खत्तम तक्कं जुइयः मैं ...
च्वाकिं ( का म्वाःल ... अप्वः च्वापुकाः जुइम्वाःल ... का खुरुक्क धा ... न्हाचः छ लुँया भाः झन्झन् थिकय् जुल धकाः लय्तायागु छाय् -
च्वापुकाः ( छाय्धाःसां आः जिं कलाःचित लुँ न्याना बीम्वाःल ... उकें का ।
च्वाकिं ( छु ˜ ˜ ˜ - लुँ न्याना बीम्वाःल --... छाय् तताःजुं लुँया खानी लुइकल लाकि आम्थे धायेत -
च्वापुकाः ( लुँया खानी लूसा ला छिमि तताःजु कोमाय् वनी का बेहोस जुयाः ।
च्वाकिं ( अले छाय् ले ... लुँ न्याना बी म्वाःल धकाः तिं तिं न्हुया जुयागु ले -
च्वापुकाः ( आः लुँया भाः थपाय्चकं थिकय् जूसेलिं छु जिगु  औकात दु ला उलिमछि दां पुलाः लुँ न्यायेत - ... मदु खला ... अले छिमि तताजुं लुँ न्याा ब्यु धकाः धाय् हे फैमखु ... अले मजू ला
जितः फाइदा ... न्हिच्छिं कचकच ला न्यनाच्वने म्वाःल नि ...
च्वाकिं ( अं धात्थें ... थपाय्चः थिकेगु लुँ ... स्वःसा नेतातय्गु छेँय् ... वालछ्याल का ... थ्व नेतात धइपिं गपाय्सिकं लुँ प्रेमि हला -
च्वापुकाः ( उपिं गन लुँ प्रेमि खः धकाः ... लुँ प्रेमि ला उमि ससःखलः धकाः ... धाःगु मताःला छं ... थुलिमछि लुँ गनं वल धकाः न्यंबले छु जवाफ बिल उमिसं ...
च्वाकिं ( वहे ला हला ससलं बिल हँ ... गुलि याउँक धाःगु ... लुँ क्वसः बीगु औकात दुपिं ससःखलःत जिमि काय्यात नं मालाब्यु न्हां च्वापुकाःचा छं -
च्वापुकाः ( हरे थ्व च्वाकिंचा जितः ... छु जक यायेत स्वइगु ... छु जक याकेत स्वइगु - आः छु छं जितः लमि ज्या याःहुँ धाये त्यनागु ला -
च्वाकिं ( हत्तेरिका ˜ ˜ ˜ जिमि काय्यात ससःखलः मालाबीवंतुं छु छ लमि हे जुइगु खः ला व ।
च्वापुकाः ( लमि मजूसां थ्व बेसाःभाः नं यानाः चाहिँ जि पक्का नं फ्वगिं चाहिँ पक्का  नक्सां जुइका का हुँ ।
च्वाकिं ( मखु ! अय् च्वापुकाःचा ... छं न्हाचः लुँया भाः थहांवनाः लुँ न्याय् म्वायेक फाइदा जुल धाःथें ... थ्व जाकिबजिया भाः थहाँवंगुली जाकि बजि नं न्याये म्वाःसा झीत गुलि फाइदा हला धकाः धाइम्ह ला कि छु छं -
च्वापुकाः ( खः धया हला ... पेट्रोल थिके जूगुलिं मोटर साइकल गयेम्वाःसा ... मोटर गयेम्वाःसा गुलि फाइदा ... वातावरण प्रदूषण धकाः हालाच्वने म्वाःल ... गनं वनेमाःसा साइकल गया जुसाः स्वास्थ्ययात नं फाइदा ...
च्वाकिं ( अय् च्वापुकाःचा छंगु थज्याःगु खँ कथं ला बेसाभाः थिके जुयाः छं ला थः कलाः मस्तय्त नके नं म्वाःल, फाइदै फाइदा धाइम्ह जुल का मखु ला -
च्वापुकाः ( वला खः हे खःनि नकेमाल कि खर्च जुइ ... नके म्वाःलकि बचे जुइ ... अले फाइदा मजूला ।
च्वाकिं ( धायेबले छं पुनेगु वसः नं थिके धकाः नाङ्गां जुया जुइम्ह जुल का मखु ला -
च्वापुकाः ( -तमं) धत्तेरिका ! गपाय्चः मछाः मजूम्ह च्वाकिंचा छ ... छ देशय् मदुम्ह च्वाकिंचा भचा नासलं लि हे मल्यू का ।
-च्वाकिंचा हर्र न्हिली । च्वापुकाः भुनुभुनु हाहां वनी । )
                                                                                                                    BCD स्यस्यः


नेवाः सन्देश  * दँ १  * ल्याः ७ *ने.सं.११३२ थिंलागा द्वितीया  * ई .सं .2011 Dec. 12 * वि.सं.२०६८ मंसिर २६ सोमवाः *Newa Sandesh

-च्वापुकाःचा हृवाँय् हृवाँय् ख्वयाच्वनी । च्वाकिंचा ज्यः जुयाः स्वयाच्वनी । खँ मथूगुलिं ।) 

च्वाकिं ( अय् च्वापुकाचा । छाय् ख्वया च्वनागु छ -
    च्वापुकाः - छाय् आः -ख्वबि हुहुं) नुगः मछिंगुलिं का ....
    च्वाकिं ( छाय् नुगः मच्छिंगु ले - छला न्हृयाबलें नुगलय् स्वां हृवयेका जुइम्ह मनू ...... गय् -
च्वापुकाः - ग्व - गय् धायेगु आः ...- थुगुसी व अफगानिस्तानचां झीत साप हे त्यल ...... उकिं नुगः मछिंगु का जि ...
च्वाकिं ( छु व उखुन्हु अफगानिस्तानचां झीत २०/२० क्रिकेटय् बुकल धकाः नुगः मछिंगु ला छं -
च्वापुकाः ( क्रिकेटय् बुलक धकाः छुकिया नुगः मछिने माःगु जि । गुबले जक त्याःगु दु धकाः - ... १५/१६ दँ दये धुंकल बु जक बुबुं वयाच्वंगु ...
च्वाकिं ( अय् ˜ ˜ अय्सा पक्का नं व 'साफ' फुटबलय् अफगानिस्तानं नेपालयात 'साफ' यात धकाः ख्वःम्ह जुइका मखु ला छ -
च्वापुकाः ( मखु धया मखु ... १२/१२ दँ दये धुंकल ... नकतिनि ला नेपाः सेमिफाइनलय् थ्यन ... । अझ १२ दँ मालीतिनि 'फाइनल' य् थ्यंकेत ... अले 'साफ' फुटबल च्याम्पियन जुइत सायद मेगु १२ दँ पक्का हे पी मालीतिनि जुइ ।
च्वाकिं ( अय् धात्थें थ्व १२/१२ दँय् पर्व/मेला न्यायेकेगु ला झीगु संस्कृत हे जुलनि हला - उखुन्हु तिनि झी पचलि भैरबया १२ दँया खड्ग हिलेगु जात्रा क्वचाल ... आः हानं छु द्यःया धाल १२ दँया जात्रा न्यायेकेगु धाल मखु ला -
च्वापुकाः ( हालेमते च्वाकिं ... छ भचा अय्नं जात्रा हे जक न्यायेकः जुइमाःम्ह च्वाकिंचा लात का ... थन देशया हे गपाय् धंगु जात्रा न्यानाच्वंगु स्यूगु मखु ... वया धाःसा १२ दँया जात्राया बय् बय् का ...
च्वाकिं ( जात्रा हे जात्रां जायाच्वंगु देशय् जात्रायागु बय् बय् मयासे छु चीजयागु बय्बय् यानाः जुइगु ले - आः छ थें जि बहनि मात्रा मिलय् याना जुइमाःम्ह मखु थें...
च्वापुकाः ( स्व च्वाकिं म्वाःसां म्वाःसां जिगु बेइजत याना जुइगु मखु न्हा आम्थे ... अथें ला अन अफगानिस्तानचां नेपाःयात त्याकाः नेपाःया बेइज्जत जुयाः नुगः मछिनाच्वंबले थ्वं हानं घालय. मल्ताचुं हाः याःवयाच्वन का ।
च्वाकिं ( मखु, अय् च्वापुकाः ... क्रिकेटय् बुया बेइज्जत मजू, फुटबलय् बुया बेइज्जत मजू, ... छु जीजय् बेइज्जत जुल धकाः हृवाँय् हृवाँय् ख्वयाच्वनाम्ह छ -
च्वापुकाः ( भ्रष्टाचार यायेगु खँय् का, भ्रष्टाचार यायेगु खँय् ... कमसे कम भ्रष्टाचार यायेगु खँय्सां नेपालं अफगानिस्तानयात पन्छ्रे याइ धकाः च्वनां ला ... व खँय् नं नेपाः सेकेण्ड का ... मखं ला र्सार्क राष्ट्रय् दकले अप्वः भ्रष्टाचार जुइगु देशया धलखय् दकलय् न्हापां अफगानिस्तान हँ ... ! वयां लिपातिनि नेपाः हँ ... क्याः ˜˜ बोर का !
च्वाकिं ( लाःसा व ट्रान्सपरेन्सी इन्टरनेशनलया रिपोर्टय् छुं मिस्टेक जुल ला - अथे ला जुइम्वाःगु खः ... का म्वाःल च्वापुकाः ... छं नुगः मछिंके म्वाः ... मेमेगु खँय् १२/१२ दँ पीमाःसां थ्व भ्रष्टाचारीतय्गु धलखय् नेपाः न्हाप लाकेत झीसं १२ दँ पीमाली हे मखु ... ग्यारेण्टी का ग्यारेण्टी ...
-च्वाकिंचां च्वापुकाःचित धाप बी । च्वापुकाःचां ख्वबि हुइ)

नेवाः सन्देश  * दँ १ * ल्याः ८ * ने.सं.११३२ थिंलागा नवमी * ई .सं  2011 Dec. 18  * वि.सं.२०६८ पुष ४ सोमवाः * Newa Sandesh-

च्वापुकाःचा उखें थुखें स्वस्वं । मिखा फुटिफुटि यायां हावाय् पचि पचियाना च्वनी ल्हाःपा निपां संकाः च्वाकिंचा छुं मथूगुलिं अजूचायाः च्वापुकाःचित वातां  स्वयाच्वनी । जिहे मजियाः न्यनी) च्वाकिं ( अय् देसय् मदुम्ह च्वापुकाः ... आम छु यानाच्वनागु छं -च्वापुकाः ( -छुं लिसः मब्युसे अथे हे जक यानाच्वनि )च्वाकिं ( स्व ˜ ˜ ˜ नेता पहः वय्कः मताः पहः यानाच्वंगु ! ... अय् न्हाय्पं ख्वाँय् ... जिं न्यनागु मताःला, छु यानाच्वनागु धकाः ... -

च्वापुकाः ( -झर्के जुयाः) ताः धया ताः ।
च्वाकिं ( अले ताःसेंलि छाय् लिसः मबियागु ले ... का धा छु यानाच्वनागु छं -
च्वापुकाः ( दार्‍ही खाना च्वनागु का, गात ला -
च्वाकिं ( -अजूचायाः) दार्‍ही खाना च्वनागु - ... अय् छंगु दिमाग ला थासय् दु ला - न्हाचःनिसें पचिपचि यानाच्वंम्हेस्यां ला दार्‍ही खानाच्वनागु धाइगु का -
च्वापुकाः ( जिगु दिमाग ला थासय् दु हला । तर छ च्वाकिंचिगु मिखा थासय् मछू का का हुँ ...
च्वाकिं ( अप्वः जान्हृया जुइमते न्हां च्वापुकाः ... अर्जुन दृष्टियात माथ नकेफयेक त्यल्लाःगु जिगु मिखायात न्हृयःनेलाःथे धायेगु मखु आम्थे ...
च्वापुकाः ( साप त्यल्लातका छंगु मिखा ... पचिपचि यानाच्वंगु खंक खंक ला छु यानाच्वनागु धकाः न्यने फुम्हेसियागु मिखा त्यल्लाःगु मखु झयल्लाःगु मिखा धाइका च्वाकिं ...
च्वाकिं ( -हीमी चायाः) मखु धया छ आम्थे वेँय् पहः वयेक हावाय् छाय् पचि पचि यानाच्वनाम्ह धैम्हका जि -
च्वापुकाः ( प्राक्टिस् यानाच्वनागु का प्राक्टिस् ...
च्वाकिं ( प्राक्टिस् ! - ... छाय् थुगुसी लण्डन ओलम्पिक २०१२ स नेपाःयात नं छगू गोल्ड मेडल दयेमाः धकाः पचि पचि यायेगु कासा नं दुथ्याकातःगु दु ला - आम्थे प्राक्टिस यानाः जुइत हं -
च्वापुकाः ( छ च्वाकिंचिगु नं खँ हे अप्वः धया ... पचि पचि यायेगु धैगु नं छु व कबड्डी म्हितेगु खःला कासा धायेत -
च्वाकिं ( छु स्यू आः ˜ ˜ राजनीतियात हे कासा थें यायेफुगु देशय् ... थ्व पचि पचि यायेगु ज्या नं कासा धकाः घोषणा यायेत छु बेर ...
च्वापुकाः ( छु न्हाचःनिसें कासा कासा धकाः हालाच्वंगु थ्व च्वाकिंचा ... जिं लातकि थासा थासा मिंक हासाय् दाइबी हँ ˜ ˜ छु याय् आः छंत दाय् धकाः धाय् मजिल ...
च्वाकिं ( छ न्हाचःनिसें पचि पचि यानाः प्राक्टिस यानाः जुइ ज्यू हँ जि कासा कासा धकाः हाला जुल धकाः छंगु न्हाय्पं पाकय् जूगु का मखु ला - का धासा पचि पचियानाः प्राक्टिस छाये याना जुयागु -
च्वापुकाः  ( छाय् आः ... लोड सेडिङ्ग शुरु जुल मखंला ... थौं ६ घण्टा जुल ... कन्हे १० घण्टा जुइ ... कंसा १६ घण्टा जुइ ... यवं प्रकारं बढे जुजुं वनाः देश ला अन्धकार हे जुइ ... ख्युंथाय् मिखा कना जुइबले उखेंथुखें ध्वाक्क धिक्क हाइ ... उकें पचि पचि यायां न्यासि जुइगु प्राक्टिस यानाः च्वनागु का आवंनिसें ...
च्वाकिं ( धायेबले ला झी उल्लु हे जुल का हला च्वापुकाः । जलश्रोतया धनी देशया बिजुली फ्वगी नागरिक ।
च्वापुकाः ( उल्लु जूसा बरु जिल ... कम से कम ख्युंथाय् ला मिखां खनी ... छु याये मनूतय्गु मिखां ख्युंथाय् खनिमखु -धाधां च्वापुकाः हानं पचि पचि यायेगु प्राक्टिस याइ । च्वाकिं नं छ्यं ल्हुकु ल्हुकु संकाः र्समर्थन याइ ।

नेवाः सन्देश  * दँ १  * ल्याः १०  * ने.सं.११३२ पोहेलाथ्व नवमि * ई .सं 2012 Jan. 2 * वि.सं.२०६८ पुष १८ सोमवाः * Newa Sandesh 

च्वापुकाःचा भःभः मिंक उखें थुखें बँय् छुं तंथें मात्तुमाला च्वनीबले च्वाकिंचा थ्यंकःवइ ।

च्वाकिं ( अय् च्वापुकाः ! ... छु तन छंगु -... अपाय्चः मात्तुमाला च्वने मायेक ... धेबाधाबा तन ला कि छु छं -
च्वापुकाः ( गन ˜˜˜ नयेत ला धेबा मदैच्वंबले तंकेत गन काःवनेगु धेबा -
च्वाकिं ( अले छु मालाच्वनागु ले बँय् - कि नये मखन धकाः चापाँय् वाँन्यायेत साःगु, भिंगु चा गन थाय् लाक्क दु धकाः माला च्वनागु -
च्वापुकाः ( नये मखन धाय्वंतुं घाँय् नः जुइपिं, चा नः जुइपिं नेतातथें च्वंला, जि आम्थे धायेत -
च्वाकिं ( -ख्याः यायां) अले छु मालाच्वनाम्ह ले छ - कलाः मालाच्वंम्ह धाय्धाःसा ब्याहाः यायेधुंकूम्ह ! जिलाजं मालाच्वंम्ह धाय्धाःसा म्हृयादुम्ह मखु, भौमचा मालाच्वंम्ह धाय् धाःसा काय्या कय्तापुजा सिधःगु मखुनि, अले -
च्वापुकाः ( हे भगवान् ! थ्व च्वाकिंचा ... धैम्ह पूरा खुसः व छम्ह पहः वःम्हका ˜˜˜ विषय् वस्तुइ सिरियस जुइमाः धैगु ला पटक्क दुगु मखु ...
च्वाकिं ( ए ˜˜˜ धाय्बले छ विषयवस्तु मालाच्वनाम्ह जुल का मखु ला अय्सा -
च्वापुकाः ( गन विषयवस्तु मालाच्वनाम्ह खः जि, जिला धात्थें झी नेवाःतय्के छु छु दु ... छु छु मदु धकाः मालाच्वनाम्ह का...
च्वाकिं ( क्याः ˜˜˜ पाकः खः ल्याः ... अले अज्याःगु चीज मालेत बँय् मालेगु खःला ले -
च्वापुकाः ( गन बँय् मालाच्वनागु खः धकाः जिं... लँय् मालाच्वनागु मखंला छंगु गुच्चाथें जाःगु मिखां - हः ˜˜˜
च्वाकिं ( लँय् मालेगु, बँय् मालेगु बस्तु खःला का ˜˜˜ व ... नुगलय् नुगलय् मालेमाःगु खँ धकाः मस्यू ला छ ध्वां नं -
च्वापुकाः ( मखु अय् च्वाकिं ... जि छु व फुक्केसिगु नुगलय् नुगलय् दुहां वनेत व छु व - सलमान खान ... शाहरुख खान ... अमिर खान खः ला - न जि हनुमान हे खः, राम व सीतायात नुगलय् तयेफुम्ह ... जिला मात्र सुधारमान जक खः, सुधारमान ।
च्वाकिं ( अले छ सुधारमानचां नेवाःतय्के न्हृयाग्गुं दु धकाः गय् मस्यु धैम्ह का जि -
च्वापुकाः ( गन दु धकाः न्हृयाग्गुं ... वहे बाज्या बराजु आजुपिंसं त्वःता थकूगु जात्रापर्व, संस्कृति, सम्पदाबाहेक मेगु छु दु -
च्वाकिं ( का... मेगु छु दु हं - अय् छं व न्हूदँ खुन्हु "नेवाः नेवाः छवाः जुइ" धकाः पिहांवैगु जुलस मखंला - ... छंगु हथं मिखां अपाय्चः थिकेगु पेट्रोल फुकाः व खुन्हु न्हिच्छि धुँइ धुँइ ब्वाँय् जुइगु मोटरसाइकल र्‍याली मखंला हां -
च्वापुकाः ( व खनाः छु याये - नेवाःतय्के एकता हे मखं जिं ... छं धयां ज्यू ला -
च्वाकिं ( का मफुत जिं ... नेवाःतय्के एकता मदुसा थौं एकतादिवस हनाच्वनी ला धया पाकः -
च्वापुकाः ( एकता मदयाः ला एकतादिवस हनाच्वंगु नि च्वाकिं ... गय् मथूगु धया छं ... यदि झीके एकता धैगु दःसा थथे "एकता दिवस" धकाः हालाजुइ माःला )
-च्वाकिंचा अवाक् जुयाः च्वापुकाःचित स्वयाच्वनी ।)


नेवाः सन्देश * दँ  १ * ल्याः ११ * ने.सं.११३२ पोहेलाथ्व मिलापुन्हि * ई .सं 2012 Jan. 9 * वि.सं.२०६८ पुष २५ सोमवाः * Newa Sandesh
वापुकाःचा छम्ह बाँलाःम्ह भौचा छम्ह ज्वना लँय् वैच्वनी बले च्वाकिंचा ध्वढुक्क नापलाई)


च्वाकिं    -भौचित क्यक्यं) आहा.... गुलि बाँलाम्ह भौचा थ्व... गनं         हैगु थ्वैत-
च्वापुकाः गनं जुइ वहे खुल्लामञ्चय् यंकाः नां छुना हैगुका झी             नेवाः एकता दिवसया लसताय्.....आवंलि थ्व भौचाया             नां "टाइगर" का सिल्ला च्वाकिं....
च्वाकिं    "टाइगर"-... अज्यागु ग्यानापूगु नां हे तय्गु खःसा             "ड्राइगन" धकाः तःसा ज्युनि.... थ्व जूसा "टाइगर"             सिवें तःधिकःम्ह, बल्लाम्ह अले ब्वय्नं फुम्ह खः
च्वापुकाः ब्वय्फुम्हेसिगु नंा जति तय्माःसा "सुपाँय्" हे तःसां जिलनि....सुपँाय्या हाइटय्ला "ड्राइगन" या धाँय्धाँय् बाज्यानं ब्वय् फैमखु
च्वाकिं    अय्सा "सुपाँय्" छाय्- "फय्" धकाः तिले, फय्या न्ह्योने         सुपँाय्या छु औकात-
च्वापुकाः औकातयागुहे खंल्हाय्गु खःसा पहाडया न्हयोने "फय्" या         नं ला छुं औकात मदुनि....बरु थ्व भौचिया नां "पहाड"         तःसा गय् जुइ-
च्वाकिं    मज्यू च्वापुकाः....पहाडयातला छुँ छम्हेस्यां हे प्वाःप्वाः खना बिइफुनि....उकें थ्व भौचिया नां छुं धकाः तःसा पक्का जुइ
च्वापुकाः    थ्व च्वाकिंचंा नं म्वाःमदुगु हे खं ल्हाना च्वनी             धया....भौचिया नंा नं छँु धकाः तयंा जिइला का... भौचंा         छुँचित क्वाप्प नैगु मस्युला छं-
च्वाकिं     अय्सा छिमि भौचिया नां "भौचा" हे तःसा खं हे सिधल नि.... नंा नंा कथंया नंा तैजुइमाःगु छाय्-
च्वापुकाः ह... आः धाः सा छं ठिक धालका च्वाकिं... जिं नं न्हाचः खुल्लामञ्चय् थ्वहे ला धैगु खःनि....भौचित "टाइगर" धकाः नां छुइवं "टाइगर" जुइ मखु धकाः....
च्वाकिं     -तमं) अय् च्वापुकाः...छं धाय् त्यनागु छु हां- धाय् त्यनागु छु - छ - झी नेवाः तय्गु शक्ति पर््रदर्शन कमजोर जुल धकाः आम 'दसू' न्हयख्व वैम्हला छ हंा-
च्वापुकाः गन अथे खः धकाः....झीगु नेवाः एकता दिवसया पर््रदर्शनला सन्तोषजनकहे धायेमाःनि.....पचास हजार मनू मुनी धाःथाय् चार-पाँच हजार मनू मुनिगु धैगु नं कम धाय् मज्यु....मखुला च्वाकिं -.... पास मार्कला दहे दुनी !
च्वाकिं     स्व..च्वापुका....थौं सुथं निसें वा वया चिकु मजूगु जूसा पचास हजार ला छु...एक लाख मनूत तयां तय् थाय् दैमखुका अन......
च्वापुकाः खः च्वाकिं.....थौं शनिबार नं लाःगु जूसा खुल्लामञ्चय् निभाः पाः वैपिंनं तयंा तय् थाय् हे दै मखुका....छु याय् थ्याक्कव सोमबार लात.....पसः तिइ धाःसा प्वाःहे तिइथें जुइ....न्हि न्हि ज्या याना नय्माःपिं......अफिस वने माः पिन्त बिदा का धाय्नं मछिं.....
च्वाकिं     वहेला धैगुनि च्वापुकाः......झी नेवाः तय्त सुनंा सहःयाःगु मखु धया.....जुंजुं जुंजुं मौसमं तक्क धोका बिलका...१८ गते धाःगु सोमबार हे लाय्माःगु छाय् धैम्हका जि
च्वापुकाः  BAD LUCK का  BAD LUCK ! (उबले लाक्क भौचाया मछिनला कि छु थें म्याऊ....म्याऊ...धकाः हाला है)

नेवाः सन्देश * दँ    १ * ल्याः १२ * ने.सं.११३२ पोहेलागा अष्टमि * ई .सं 2012 Jan.16  * वि.सं.२०६८ माघ २ सोमवाः * Newa Sandesh
(च्वापुकाःचा छथाय् फल्चाय् च्वनाः पोष्टर च्वया च्वनी । उबलय् लाक्क च्वाकिंचा थ्यंकःवइ ।)
च्वाकिं  अय् च्वापुकाः ! छुकिया पोष्टर च्वयाच्वनागु छं -
च्वापुकाः  (झर्के जुया)  VISIT NEPAL यागु पोष्टर च्वयाच्वनागु का  ... का गातला -
च्वाकिं  गात बाबा गात ... आः नकतिनिला NEPAL Tourism सिधल ... आः हानं VISIT NEPAL शुरु याये त्यनागु ला - गात न्हि आः गात ... छं स्वय् छु आम Data  Expired VISIT NEPAL या प्रचार प्रसार यानाः टुरिष्टत हृवाराहृवारां नेपाः दुहांवइ धकाः आश याना च्वनागु ला - ... वइमखु बाबु वइमखु ...
च्वापुकाः (तमं) अय् च्वाकिं ... छ थःगु लँय् खुरु खुरु हुंसा ... जितः अप्वः हायेका च्वनेमते न्हां ... जि थन दिमाग मरुपिं नाप खँ ल्हायेत पोष्टर च्वयाच्वनागु मखु । ... छ च्वाकिंचां थ्व पोष्टरय् VISIT NEPAL च्वयाच्वनागु खंला हं आम्थे प्याराप्यारां हाला च्वनेत -
च्वाकिं        अय् बा बा ˜˜˜ बांलाक्क क्यँलेसा, सय् ... छु च्वयाच्वनागु ... -पोष्टर खनाः अजूचाइ) अय् छु थ्व - IS IT NEPAL   - ... मखु छं याये त्यनागु छु हं -
च्वापुकाः  याये त्यनागु मखु ... धाय् त्यनागु जिं ... छु थ्व नेपाः खःला - धकाः सकलसित न्यने त्यनागु । नेपाः धैगुला शान्तिया प्रतिक बुद्ध बूगु देय् ...Light of Asia या देशय् छाय् थ्व अन्धकार - अन्याय् -- अत्याचार ---
च्वाकिं  मतच्याः थलया क्वसं च्वनी धकाः मस्यूगु ला छं - ह ˜˜˜ अथेहे जुयाःLight of Asia बूगु दे जुया थथे ख्युंसे च्वंगुका च्वापुकाः ... उकें थुगुसिइ निसें VISIT  LUMBINI YEAR 2012 शुरु यानाः देय् झलमल याय्त्यंगु दु ... बरु छं IS IT NEPAL या पलेसाVISIT LUMBINI 2012   या पोष्टर च्वयाः प्रचार प्रसार बांलाइ ।
च्वापुकाः  बांलाइ मखु च्वाकिं ... बांलाइ मखु ... न झीथाय् मत दु ः न झीथाय् मतचिकं दु - न झीथाय् हितिइ लः दु ... न पेट्रोल दु ... न डिजेल दु ... न थ्व दु न व दु ... थज्यागु अवस्थाय् थ्व  VISIT NEPAL धाःगु पोष्टर हे HIT जुइ ! बरु थुके दं छगू तनाबी मालीका 2012  धकाः ।
च्वाकिं  दँ हे छगूला खः नि दँय्दसं Plus Plus  जुया वनाच्वनीगु ... देशष विकासला न्हृयाबलें Mines Minus  हे जुया वनाच्वंगु दु थें ...
च्वापुकाः  मखु धया ... छ च्वाकिंचा ... छु Plus Plus , Minus Minus धकाः हातमा लाग्या शुन्ना जुइकथंया हिसाब किताब याना च्वनागु - राष्ट्रया धुकुटी हे स्वाहा जुइत्यंगु अवस्थाय् आजु जय् हा ˜˜˜ धकाः हालेगु सिबें छुं उपाय दु ला -
च्वाकिं छं स्वय् थ्व  VISIT LUMBINI 2012  जक छु धकाः च्वनागु ले - थ्व नं छगू कथंया आजु जय् हा ˜˜˜ हे खः ... आजु जय् हा ˜˜˜ टुरिष्ट दुहां वा ... धाःगुला खःनि थ्व नं ...
च्वापुकाः  मखु मखु जि हे मज्यू ... जब तक झीगु शान्ति व सम्विधान ताःलाइ मखु थ्व देय् IS IT NEPAL हे जुया च्वनी ... उकें थ्व हे खँ प्रचार प्रसारया लागी थ्व पोष्टर तयार याये हे माः । (धाधां च्वापुकाःचा हानं पोष्टर च्वयेगु ज्याय् सनी । च्वाकिंचा न्हाय् कय्कुंकाः अनं वनी ।)

नेवाः सन्देश * दँ १ * ल्याः १३ * ने.सं.११३२ पोहेलागा आमइ क ई.सं 2012 Jan. 23 * वि.सं.२०६८ माघ ९ सोमवाः * Newa Sandesh

(च्वापुकाः छपु कथ्थीइ भ्वाथःगु कापः हिनाच्वनी । च्वाकिंचां छुं मथुयाः त्वाल्ल स्वयाच्वनी)
च्वाकिं  अय् च्वापुका.... छु याना च्वनागु आम ?
च्वापुकाः  छंगु छ्यनय् मि तयेत चिलाख दयेका च्वनागुका ह.....खंक खंक छु याना च्वनागु धकाः न्यनाच्वनीगुका.... मखंला छं मसाल जुलुस वनेत मतप्वाः दयेका च्वनागु....
च्वाकिं  छाय् ? सरकारं पेट्रोल, मतचिकं, डिजेलय् भाः बढय् यात धकाः मसाल जुलुसय् वने त्यनागु ला ?
च्वापुकाः  गन अज्यागु चापाः चियाः जुलुसय् वनेत फुर्सद दु जित.....
च्वाकिं   अय्सा विद्युत प्राधिकरणं लोडसेडिङ्गया ई बढय् यात धकाः विरोध जुलुसय् वनेत आम तयार यानाच्वंगु जुइका मखुला ?
च्वापुकाः  का.....छु धाःगु जुइ थ्व च्वाकिंचा.....नेपाःमित गज्यापिं धकाः मस्यूला छं ?...बरु लाय् खा छम्ह स्याःगु विरोधय् थन आन्दोलन याइ बन्दयाइ हला Û तर थ्व लोडसेडिङ्ग जुल वा यात धकाः ततःधंगु जुलुस, आन्दोलन याःगु वा जुल धाःगु गबलें स्यूला छं ?
च्वाकिं   अय्सा....पक्कानं छ झीगु देशय् बेसाःभाः थिके जुल धकाः स्यल्लागु सः थ्वयेकेत मसाल जुलुसय् वनेत्यंगु जुइका....खः खः का पक्का थ्वहे खः
च्वापुकाः  (व्यंग यायां) धत् लाति...डलरया भाः थिके जुयाः बेसाःभाः थिके जूगुयात नं अन्यथा कायेज्यू ला झीसं ? धाःगु मताःला नालायक सरकारं अन्र्तराष्ट्रिय स्तरं हे थिके जुइगु झीगु ल्हातय् मदु हं Û
च्वाकिं  (हीमीचाचां) व नं मखु थ्व नं मखु....अले छु किया लागि, गनया निम्तीं थ्व मसाल जुलुसया तयारी याना च्वनागुले छ देशय् मदुम्हेसिया ?
च्वापुकाः   हे भगवान्....मखु छं समाचार ब्वनेगु बानी मदुलाकि  छु ? खुसि सिथय् च्वंच्वंपिं सुकुम्वासीतयेत सरकारं तुरुन्त थना छ्वयेगु धकाः अपाय्चः बय् बय् जूगु समाचार वैच्वंगु मस्युला छं ?
च्वाकिं   जिं मस्यूगु छु धाःसां....छ मसाल जुलुसलय् ब्वति काःवनेगु अले व सुकुम्बासी थनाछ्वैगु विषय्स सम्बन्ध छु धैम्हका जि ?
च्वापुकाः   हे राम.....छं जित थौंतक्क म्हमस्युनिका मखुला ? जिनं छम्ह सुकुम्बासी । अले जिगु नं छकुचा खुसि सिथय् राम झोपरी दु धैगु छं गय् मस्यूगु ? दतंमतं काठमाडौंलय् छकूचा दूगु जग्गा चय्त जुल कि जि गन च्वं वनेगु ?
च्वाकिं   य...मा....सा.....छ देशय् मदुम्ह च्वापुकाचा नं सुकुम्बासीका मखुला अय्सा ?
च्वापुकाः   खःनि....गनं गनयापिं हुकुमबासीत थन झीथाय् वयाः सुकुम्बासी जुइ ज्यू ? उकें जि नं सुकुम्बासीतय्गु हकहितया लागि मसाल जुलुसय् भाग काःवने त्यनागुका सिलला थ्व मसाल ज्वना Û
-थुलि धया च्वापुकाःचा हानं मसाल दयेकेत कथीइ कापःचा हिनाच्वनी । च्वाकिंचा च्वापुकाःचिगु चहःपहः खनाः दंग जुयाच्वनी)




नेवाः सन्देश * दँ १ * ल्याः १४ * ने.सं.११३२ सिल्लाथ्व सप्तमि * ई.सं 2012 Jan. 30 * वि.सं.२०६८ माघ १६ सोमवाः
(च्वापुकाःचा लाइनं तयातःगु प्यपाः न्यापाः फाटोया न्ह्यःना दनाः धुं च्याकाः श्रद्धां मौन धारण यानाच्वंच्वंगु इलय् लाक्क च्वाकिंचा थ्यंकःवइ ।)
च्वाकिं  (छुंखा मथुयाः न्यनी) अय् च्वापुकाः छु यानाच्वनागु आम छं हां ?
च्वापुकाः  छाय् छं थौं शहिद दिवस धकाः मस्यू ला ?
च्वाकिं  स्यू ... छाय् मस्यू ... उकेंला जि थन छन्त सःता वैम्ह ... अन शहिद पार्कय् वनेत ।
च्वापुकाः   शहिद पार्क वनेगु खाला दहे दु ... तर थन फोटाय् दुपिं शहिदपिन्त नं झीसं श्रद्धा प्वंकेमाल नि ... उकें जि वय्कःपिन्त श्रद्धा प्वंकाच्वनागु का ...
च्वाकिं  (फोटोयात क्वथीक स्वयाः) थुपिं शहिदत ! ? ... ग्व जिं ला म्हमसिल थुमित !
च्वापुकाः  धत्तेरिका च्वाकिं ... थपाय्चः महान शहिदपिन्त म्हमस्यू धैगु नं दैला ... छं ला थौं छंगु नांया इज्जत हे छ्वल का च्वाकिं ...
च्वाकिं   मखु धया च्वापुकाः ... थुपिं सु धैम्ह का ? ... नां छु ... गबले शहिद जूगु ... गय् जुयाः शहिद जूगु ?
च्वापुकाः  का जिल ला आः ? ... कर्पिन्सं ताःसा छु धाइ काः ... देशयापिं महान शहिदपिन्त हे म्हमस्यूम्ह मनू धकाः थुकलं बीका छन्त थज्याःगु तालं बाकि ...
च्वाकिं  थुकलं ला छन्त बीमाःथें च्वंका च्वापुकाः ... स्यू नि ताः ... अथें सु सु मनूतय्त शहिद धकाः श्रद्धाञ्जली प्वंका च्वनेगु ला छं हां ।
च्वापुकाः  हे राम ! छसीकथं फोटोय् स्वःसा च्वाकिं छं ... थ्व मानबहादुर का ... कलाःचां मानय् मयात धकाः हर्ट आट्याक जुयाःसीम्ह
च्वाकि.  हर्ट आट्याक जुयाः सीम्हेसित शहिद धाइला पाकः ?
च्वापुकाः  छाय् मधाइ ... कलाः पिडीत संघया नायः वय्कः संघं जोडदार माग यानाः शहिद घोषणा याःगु वय्कः यात ... अले उ वय्कःया नापं च्वंगु फोटय् च्वंम्ह ध्यानबहादुर का ... लाय् न्यासि वनाच्वंबले ध्यान छखे लानाः मोटरं क्यलाः मदुम्ह का वय्कः ...
च्वाकिं   अथे मोटरं क्यलाः सीम्ह नं शहिद जुइला च्वापुकाः ? छंला धात्थें तमासा याइन बा ऽ ऽ ऽ
च्वापुकाः   तमासा ला वय्कःया स्थानीय बासिन्दातय्सं यातका ... १० लाख क्षतिपूर्ती व शहिद घोषणा मयाःतले बन्द व चक्काजाम यानाः धुमधाम का ... अले उ नापं च्वंम्ह मेम्ह ज्ञानबहादुर का ... भुतुमाली ब्वय्केबले पल्ली होसयानाः जुइमाः धकाः ज्ञान ब्युब्युं पल्लीं कुतुंवनाः सीम्ह ...
च्वाकिं   का च्वापुकाः ... आः धाःसा छंगु दिमाग ध्वस्त हे जुल का ... पल्लिं कुतुंवनाः सीम्हेसित नं शहिद धकाः श्रद्धाञ्जली प्वंका च्वनीम्ह छ गज्याःम्ह उल्लु धैम्ह का जि...
च्वापुकाः   छं धयां छुयाय् च्वाकिं ... थौंकन्हय् नेपालय् थथे हे का ... होलसेलय् शहिद जुइगु देश थ्व ...
च्वाकिं   होलसेलय् जक छाय् ... छंगु चहःपहः खनाबले ला रिटेलय् व असं वंघलय् तरकारी पसः तःथें शहिद उत्पादन जुइगु देश लानाच्वन का थ्व ... थज्याःगु पहलं देशय् हृयूपाः हयेत थःगु ज्यान बलिदान ब्यूपिं धात्थेंयापिं शहिदत मछालाः ... आवंलि जिमित शहिद धकाः धाय्मते बिन्ति धकाः धाःवयेत छु बेर ...
(च्वापुकाःचा मताःपहः यानाः धुं च्याका च्वनी । च्वाकिंचा भुनुभुनु हालाः अनं वनी ।)


नेवाः सन्देश * दँ १ * ल्याः १५ * ने.सं.११३२ सिल्लाथ्व चतुर्दशी * ई.सं 2012 Feb. 6 * वि.सं.२०६८ माघ २३ सोमवाः *Newa Sandesh
च्वापुकाः   अय् च्वाकिं ... जिं छन्त उखुन्हु जि नेपालं पिहां) वना च्वनाबले छं ज्या जि मदुसा छुा, भौ, खिचा व सिंहया किपाः छपाः छपाः च्वयाः तयाति । अले जि लिहां वयेधुंकाः छगू भब्यगु Animal Art Exhibiton यायेगु धैगु लुमंनि हला छं ...
च्वाकिं   लुमं जक मखु जिं ला तयार हे यानाः तयातैगु दु जिके ...
च्वापुकाः   स्याबास ऽऽऽ आः धाःसा छ सच्चाम्ह कलाकार खः धकाः धाःसां जिल का ... स्वय् स्वय् किपात गय्च्वं छकः क्यासा ...
च्वाकिं  (छपाः तपाःगु खामं आर्ट पेपर लिकानाः क्यनी) का स्व ... जीवन्त अले च्वााक मजू ला ?
च्वापुकाः  च्वााक मजू ला ? ... आः छंगु छ्यनय् त्वाााक त्वााक मुइके दःसा जक च्वााक जुइका हः ऽऽऽऽ खालीगु भ्वं क्यनाः ला च्वाक  मजू ला धकाः धयाच्वनीगु का ... किपा ग्व धैम्ह का जि ?
च्वाकिं  अय्... व ला गयेजुल धाःसां ... छायात भौचां नल ...भौचित खिचां लिनाछ्वत, अले लास्टय् खिचायात सिंहं क्वाप्प नयाब्युसेंलि गन काःवनेगु जिं ?
च्वापुकाः  अले बााकि दुम्ह सिंहयात छं क्वाप्प नःगु जुइ का मखु ला ... उकें भ्वं खालि जूगु का हला ?
च्वाकिं   गन अथे खः धकाः ... खिचायात नयाः सिंह ला खुरुखुरु जंगलय् दुहांवननी सा ... उकें दक्वं गायब का च्वापुकाः ...
च्वापुकाः   स्व च्वाकिं ... यदि जिं छ थथे गायब यायेगु खाय् च्याम्पियन धकाः स्यूगु खःसा धरोधर्म छ्यनं चुत्तुचुलाःसां छन्त सरकारय् छ्वहे छ्वयेगु का जिं ।
च्वाकिं   मखु अय् च्वापुकाः ... सरकारयात आम्थे म्वाःमदुगु आरोप बीगु मखु न्हां गायबयात धकाः ... छु गायब याःगु दु सरकारं छं आम्थे धायेत हां ?
च्वापुकाः   (तमं) भुतुली जा, केा, तरकार, अचार गायब याःगु दु का सरकारं ।
च्वाकिं   अय् बाबा ऽऽऽ थौं ग्याास मदु धायेवं ... मत्ती चिकं मन्त धायेवं ... बिजुली मत मवः धायेवं जा थुइ हे मज्यू धैगु दु ला ? अल्छि ध्वंत ... न्हापा न्हापा झी बजेपिन्सं तीनधारा पाठशालाय् थ्यंक वनाः लः कयाहयाः ... थूचां फू फू भुतुलिइ मिख्वानाः सिान् च्याकाः जा थुयाः नका हे च्वंगु खः थें क्याः ऽऽऽ
च्वापुकाः  का ऽऽ उमिसं छु यात धकाः छं आम्थे प्रशंसा यानागु ... उम्सं सिबें ला अझ झी घााय्घााय् बाज्या बराजुपिन्त मानय् यायेमाःका ... उमिसं भुतुलिइ मि ख्वानाः जा थुया नयेगु झन्झट हे मयाः ... बस् ... जंगलय् जंगलय् चाःहिल ... शिकार यात ... न्हृयाःसा मिइ छुयाः नल, मखुसा कचिकं नल ... क्या ऽऽऽ मज्जा
च्वाकिं   मज्जा ला आः वैगु जुल का च्वापुकाः ... आः झी नं छु कम ... द्यबअप या तजभ ागतगचभ धाःगु फिल्म ज्यििथधययम दा दयेकाः सुपर डुपर हिट जुइगु पक्का जुल का ... आहा ऽऽऽ
च्वापुकाः   धायेबले ला च्वाकिं ... आः झी सिमा हःया लं फिनाः जंगलय् चाःहृयू वनेगु २१ औं शताब्दिया मनूत जुल का मखु ला ... वाह वाह ऽऽऽ
(च्वापुकाःया खा न्यनाः च्वाकिं छझाः झोक्रे जुइ । च्वापुकाः लय्ताया च्वनी ।)

नेवाः सन्देश * दँ १ * ल्याः १६ * ने.सं.११३२ सिल्लागा षष्ठि क ई.सं 2012 Feb. 13 * वि.सं.२०६८ फागुन १ सोमवाः * Newa Sandesh
(च्वापुकाः कापी छपातय् छुं च्वनाच्वनी । च्वाकिंचा दिक्क जुयाः स्वयाच्वनी ।)

च्वाकिं : अय् Mr. च्वापुकाः ... थौं अन जनयुद्ध दिवसया बृहत सभाय् मवंसे आम भ्वातय् छु वालावाला सना च्वनागु छ हां ?
च्वापुकाः : व काः स्वले ... छम्ह स्याःन्याःम्ह पासां खसी लाया पसः छगू चायेके त्यंगु का ... पसःया साइनवोर्ड छपाः डिजाइन याना ब्यु धकाः धिप्पी कसय् यानाः छुट्टी का ...  वहे Matter च्वयाच्वनागु का, छु याय् !
च्वाकिं : सय् सय् छु धकाः च्वया छं -च्वयातःगु ब्वनी) ... 'थन खसीया शुद्ध ताजागु ला न्यायेगु दु' — (ब्वने धुंकाः च्वापुकाःयात ध्वाथुइकाः) ... क ! पसः गन खः, अन हे दुसा 'थन' धकाः धयाच्वने माःला थपाय् हाकय्क ... चत्त च्वंक मच्वःसे ...
च्वापुकाः : (छ्यों संकु संकुं) का ... अय्सा 'थन' धाःगु थ्व खाग्वः लिकाना छ्वयेका ...
च्वाकिं : 'खसीया शुद्धगु ताजागु ला न्यायेगु दु' धकाः धयाच्वने माःला ... कि वं पसलय् ल्वाकःब्वाकःगु ला नं मीगु ग्वसाः दु ला कि छु ?
च्वापुकाः : वला चान्स हे मदु ... तसकं भलादमी ... छक्का पंजा छुं हे याये मसःम्ह पासा व ...
च्वाकिं : अथेखःसा 'खसीया शुद्धगु' धयाच्वने नं म्वालनि ...
च्वापुकाः : व नं खः ... का अय्सा 'ताजागु ला न्यायेगु दु' धकाः जक च्वये का मज्यू ला ?
च्वाकिं : आसे ... आसे ... जब पसलय् ला हे तयातःगु दइसा आखिर मीगु नितिं हे खः ... धायेबलय् थ्व 'न्यायेगु दु' धकाः बोर्डय् च्वयेमाली ला ?
च्वापुकाः : हरे ऽऽऽ गज्याःम्ह छम्ह च्वाकिं लाःगु संगतय् ... थ्व नं म्वाः व नं म्वाःसा का 'ताजा ला' धकाः च्वलका जिं हः ऽऽऽ
च्वाकिं : मजिल ... मजिल ... थ्व नं मजिल ... अथे धालकि ला — अय् थ्वयागु पसलय् बासिगु ला नं दु ला कि छु धकाः शंका मयाइ ला काः ऽऽऽ उकें 'ताजा' धाःगु खाग्वः तयेमज्यू ...
च्वापुकाः : -झर्के जुयाः) का मज्यूसा 'ला' धकाः जक च्वल का जिं ... आः थ्व नं मज्यू धालकि थ्व भ्वं झ्यारझिर खुनाछ्वया बी जिं ...
च्वाकिं : भ्वं झ्यारझिर खुनाछ्वये हे म्वाः ... बरु 'ला' धाःगु खाग्वः नं बोर्डय् च्वया नयेगु जरुरत हे मदु ...
च्वापुकाः : (हीमी चाचां) ला पसलय् 'ला' धका? नं साइनबोर्डय् मच्वःसा छु छंगु छ्यं धकाः च्वयेगु ला ?
च्वाकिं : व पसलय् 'ला' हे मीगु खःसा 'ला' धकाः च्वयाच्वने माःला ग्वाज्यः ... पसलय् वइपिं फुक्कस्यां 'ला' मियातःगु खा हे खनी नि क्याः ऽऽऽ
च्वापुकाः : स्व च्वाकिं ... छ ला पुरा व झी संविधान सभाया सभासद पहः वःम्ह मनू लानाच्वन का ... उमिसं जक संविधानय् थ्व नं च्वय् म्वाः ... व नं च्वय् म्वाः यायां थौं निदाया लागि धकाः वंपिं प्यदा दइन ... अय्नं संविधान छगू च्वयाः बीफूगु मखु ... छ नं उमिगु संगतय् लानाः ध्वगिक्क स्यंम्ह ला कि छु ?
च्वाकिं : ध्वगिक्क जिं स्यूगु मखु ... उमिगु संगतय् लानाः ध्वगिक्क ला देश स्यनीन का च्वापुकाः ... खसीयागु छ्यं क्यनाः खिचाया ला मीगु खःसा जक साइनबोर्ड बांलाक च्वयेमाः, मखुसा म्वाःधैम्ह का जि (च्वापुकाः नं समर्थनय् भ्वं खुनाछ्वइ ।)

नेवाः सन्देश * दँ १ * ल्याः १७ * ने.सं.११३२ सिल्लागा चःर्‍हे * ई.सं 2012 Feb. 20 * वि.सं.२०६८ फागुन ८ सोमवाः * Newa Sandesh
(च्वापुकाःचा छेँया लुखाय् दनाः हालाच्वनी । च्वाकिंचां ब्वःबिया च्वनी ।)
च्वापुकाः   वल ... वल ... वल ...
च्वाकिं   क ... क... क ... छु वल वल धकाः वेाय्त थें हाःजु जुइ ... छन्त सुनां वा धयाः सःतूगु दु, आम्थे वल वल धकाः हालेत ...
च्वापुकाः   जितः सुनां सःताः जि वल वल धकाः हालेत ...
च्वाकिं   अले छु सा, सात सालय् प्रजातन्त्र वलवल धकाः मनूत हाः थें हालागु ला ले ?
च्वापुकाः   सात सालय् जक छाय् ... छयालिस सालय् नं प्रजातन्त्र वल वल धकाः हालागु मखु धया ।
च्वाकिं   अले छाय् ले ? जिगु न्हाय्पंया पिलि हे गुक्क वल ... वल ... धकाः हालागु हां ? छु वल ?
च्वापुकाः   छु वै आः ... थौं सिलाचःर्‍हे ... वहे शिवरात्री वल धैगु का ...
च्वाकिं   हरे शिव ! ... जिला छु छु न वल धाइ धकाः च्वनांला ... सिलाचःर्‍हे हं ... थ्वला दाय्दसं वया हे च्वनी नी क्या ऽ ऽ ऽ म्हिगः प्रजातन्त्र दिवस ... थौं सिलाचःर्‍हे ... लिपा पाहांचःर्‍हे ... थथे हे ला खःनि ीषभ धैगु ... वयां च्वनी वनां च्वनी ...
च्वापुकाः   अथेखःसा ग्वले सा ? निदं वइ धाःगु संविधान थौंतक्क छा् मवःगु ?
च्वाकिं   आः उकिया नितिं जेष्ठ १४ गते तक्क माल नी, आः छकः ...
च्वापुकाः   मखु धया च्वाकिं जिला आय् हे बुइन धया थ्व संविधान पिप्युं ...
च्वाकिं   आय्बुयां छु याय् दाईचा, जि जक मनच्वंला ? ... मचा बुइकेत ला गुला गुला प्वाथय् घायेमाः ... आः थ्वला संविधानया खा धका ले सा बाबु ...
च्वापुकाः   छु धया ? बाबु ?? ... जि छु छिमि बाबु खःला हं छं आम्थे धायेत ?
च्वाकिं   का ... का ... बाबु मखु अय्सा छन्त जिं बाः हे धायेका ... का जिल ला ?
च्वापुकाः   का जिल्ला -काठमाडौं जिल्ला) न मखु ... बा. अञ्चल -बागमति अञ्चल) नं मखु ... आः जितः ला नेवाः राज्य हे माल का का हुा ...
च्वाकिं   का हुा सा ... का हुंलेसा ... का मवंक छन्त बाज्या बाज्या धकाः अले छेाथ्यंक बी है धकाः च्वनाला ?
च्वापुकाः   मच्वं ... छतिं हे मच्वं ... तर मच्वंसां छु याये तराई टुक्रा थाय् धाःथें झीसं नं घााय् नये मजिल थें ... खिचां तुतिइ न्यात धाय्वंतुं झीसं नं खिचाया तुतिइ वांन्याय् मजिल थें ...
च्वाकिं   (खा हीकाः) वन ... वन ... वन ...
च्वापुकाः   क ... क... क ... छु तालयाम्ह मिसा खःल्याः ... छु उाइसू पिकयाः वन वन धकाः हाःगु ?
च्वाकिं   छं न्हाचः वल वल वल धकाः हालेज्यू ... आः जिं वन वन धकाः हालेमज्यू ?
च्वापुकाः   मखु छ गन वन वन धकाः हालाम्ह ?
च्वाकिं   गन आः ... पशुपतिइ का ... पशुपतिइ ... शिवरात्री जुसेंलि पशुपतिइ छकःला वनेमालनि
(च्वपुकाः वातां च्वनी । च्वाकिं वनी)

नेवाः सन्देश * दँ १ * ल्याः १८ * ने.सं.११३२ चिल्लाथ्व पञ्चमि * ई.सं 2012 Feb. 27  * वि.सं.२०६८ फागुन १५ सोमवाः * Newa Sandesh
(च्वापुकाः चुकय् च्वनाः उठबस यानाच्वनी । च्वाकिं अन हे थ्यंक? वइ ।)
च्वाकिं  अहो ऽ ऽ ऽ च्वापुकाः ... छं गुबले निसें  Exercies  यायेगु शुरु यानागु ... न्हापालिपा ला छ तसकं अल्छिध्वाले Record Break यानातःम्ह मनू !
च्वापुकाः  (भचा झर्के जुयाः) गुखुन्हु निसें छंगु भत्तिपसः बन्द जुल उखुन्हु निसें जिं थथे कसरत यायेगु शुरु यानागु का ... का गातला हः ऽ ऽ ऽ
च्वाकिं  मखु जिगु भत्ती बन्द जूगु खा नाप छंगु कसरतया खा गनं स्वानागु छं ? मनूतय् थन भत्ती पसः बन्द जुयाः गज्याःगु टेन्सन जुयाच्वंबले उकिया द्यःने छंगु घोचपेचका मखुला ?
च्वापुकाः   घोचपेच याइपिं छमह छम्ह, पाः याइगु जितः का ... क्याः तालयाम्ह मनू खःल्याः ... थन आकासे पुलं ला Cross  मयासे क्वय् सतकंतुं ला Cross यायेत  Practice  याना च्वनाम्ह मनूयात छु Disturb याःवया च्वनागु धया छ च्वाकिंचां हः ...
च्वाकिं  ए ऽ ऽ ऽ खा अथे का मखु ला ... जिला छं आः वइगु राष्ट्रिय खेलकूद प्रतियोगिताय् भाग कायेत Warm Up  यानाच्वंगु जुइ उठबस यानाः धकाः च्वंच्वनागु का जि ...
च्वापुकाः  मखु धया थ्व ट्राफिक प्रहरीतय्सं ला अति हे मयाःला धया थ्व ? गुबलें भ्वय् वना वःपिन्त हा ऽ ऽ ऽ याकीगु ... गुबलें आकासेपुलं Cross  मयाःपिन्त उठबस याकीगु ...
च्वाकिं   उलि जक ला ... हेल्मेट मपुंसे पुरुषार्थ क्यंम्ह "पावर फूलम्ह" मनूयात तकं मत्वःतू मखंला छं ...
च्वापुकाः   मत्वतां छु याये, उल्टां थःगु हे ला फुक्कं त्वताः नांगा बाबा जुइमालकि म्वाःल ?
च्वाकिं   गन अथे खः धया ... राजिनामा बीगु धम्की ब्यूगु का अथे यानाः ... छ च्वापुकाः धयां झन उपिं ला छ सिबें बाप च्वापुकाः जुयाः पिहाावःगु का ऽ ऽ ऽ
च्वापुकाः   (भचा गम्भिर जुयाः) अथे थ्यंकला धायेमते च्वाकिं ... अय्लाः त्वनाः सवारी साधन चलेयाइपिन्त हा ऽ ऽ ऽ याकाः कार्वाही यायेगु ब्यापक याःगु ज्यां यानाः भत्ती पसः, रेष्टुुरेण्ट एण्ड बारया ब्यापार म्हो जुल धकाः त्वहः तयेगु ... भ्वय् शुन्य जुल धायेगु गुलि तक्क जायेज खा खः का धाःसा छं ?
च्वाकिं   जायेज नाजायेज धैगु खं कार्वाही यायेगु निरन्तरताय् भर परय् जुइकाः बापु ... अथेहे जायेज नाजायेज धैगु खा कार्वाही यायेगु तरिकाय् भर परय् जुइका ... समाज सुधार यायेगु ज्या सुनां बांमलाः धाइ । तर कार्वाही याइपिनिगु ब्यक्तिगत व संस्थागत आचरण गुलितक्क शुद्ध उकियात नं सकस्यां बिचाः यायेमाः ...
च्वापुकाः  का च्वकिं ... मेपिन्सं बिचाः याःसां मयाःसां छ व जिं निं बिचाः यायेका । थौं निसें मस्यूला ?
(च्वाकिं नं ज्यू नं  मधाःसे मज्यू नं मधाःसे सुंक च्वंच्वनी ।)