बुखँ

नागढुंगाय् सरकारी अनुगमन

सतक सुधार यायेगु बचं

नेवाः सन्देश / येँ
           राजधानी काठमाडौं स्वाइगु मुख्य नाका नागढुंगा यातायात पार याकेगु आधुनिक ब्यवस्थापनया कुतः मजूबलय् देशया थीथी थासं राजधानी दुहांवइगु द्वलंद्वः सवारी साधनत घण्टौं लाइनय् च्वनेमाःगु बाध्यता अझ ल्यनाच्वंगु दु । न्हियान्हिथं द्वलंद्वः सवारी साधन दुहां वयेगु व पिहां वनेगु मुख्य नाका नागढुंगायात म्हो इलय् हे सवारीसाधन पार यायेफइ कथं आधुनिक दयेकेमाःगु माग यक्वथासं पिहांवयाच्वंसां थुकिया सुनुवाइ मजुया च्वंगु इलय् सरकारी अधिकारं धाःसा आः वयाः थुगु क्षेत्रया सतक सुधार यायेगु बचं ब्यूगु दु ।
             तार्ःइ न्हयःनिसें सास्ती नया वयाच्वंपिं र्सवसाधारणया सःया लिपा अनुगनम याःवंगु उच्च सरकारी अधिकारीं टोलीं छवाया दुने हे सुधार यायेगु दाबी याःगु दु । थानकोटनिसें नागढुंगातक सवारी साधनया लाइन जुयाच्वन । चीब्यागु सतक व अब्यवस्थित चेकिङया कारणं तार्ःइतक सवारी जाम जुयाच्वंगु खः । जाम कम यायेत थौंकन्हय् छ्यलाच्वंगु छगू लेन सतकया मापदण्ड चिइकाः स्वंगू लेन दयेकेगु निर्देशन ब्यूगु दु ।
प्रहरीया चेकिङया कारण छगू लेन सतकय् जक छ्यलाच्वंगु खः । अनुगमनया झवलय् ट्राफिक प्रहरी प्रमुख डिआइजी उपेन्द्रकान्त अर्याललं छवाया दुने स्वंगू लेनं मोटरयात काठमाडौं दुछ्वये जीकथं ब्यवस्था यायेगु प्रतिबद्धता याःगु दु । छगू लेनं र्सार्वजनिक भाडाया बस व मोटर, मेगु लेनपाखें निजी हलुका सवारी साधन व स्वंगूगु लेनपाखें सरकारी व कूटनीतिक नियोगया मोटर सञ्चालन जुइकथं ब्यवस्था मिले यानातःगु अर्यालं धाःगु दु ।
              अनुगमनया झवलय् टोलीं राजमार्गय् चःबिया प्रबन्ध यायेत तकं निर्देशन ब्यूगु खः । नापं थानकोटनिसें टायल घर तकया थ्यंमथ्यं २ किमि सुरुङमार्ग दयेकेगु, सीतापाइला-धार्के २४ किमि ताःहाकःगु वैकल्पिक सतकया अध्ययन जुयाच्वंगु जानकारी बियादिल ।

पचली भैराद्यः प्याखं क्वचाल
सरकारी बजेट कायेमफुनी
नेवाः सन्देश / येँ
      पचली भैराद्यःया प्याखं धैगु नेपाःया संस्कृतियात म्वाकातःगु अतिकं न्ह्याइपुसे च्वंगु छगू गण प्याखं खः । थज्याःगु ऐतिहासिकता दुगु प्याखं थौं बजेटया अभावं तनीगु अवस्थाय् थ्यंगु दु । जेनतेन झिंनिदँय् छकः पिदनीगु थुगु पचली भैराद्यःया प्याखं वंगु भलभल अष्टमिखुन्हु द्यःपिनिगु अन्त्येष्टी यासें प्याखं क्वचाःगु दु । थ्व प्याखं आः मेगु १२ दँ लिपा यायेफइ वा फइमखु थ्व धाःसा तसकं गम्भिर विषय जूवंगु दु ।
        छुर्ंर् इ न्ह्यः डा.बाबुराम भट्टर्राई अर्थमन्त्री जुयाच्वंगु इलय् नं थज्याःगु हे कारणं तःधंगु समस्या सृजना जुल । अज्याःगु हे ज्या याकेगु षडयन्त्र थ्व पचली भैराद्यःया प्याखं जुयाच्वंगु दु । अर्थमन्त्री बर्षान पुनं नापं अनौपचारिक कथं सचिव यात सःताः निकासा बीमाःगु निर्णय कथं बजेटया निकासा यानाबीत धाःसां क्वय्या कर्मचारीतय्सं चाःहिइकेगु ज्या यानाच्वंगु दु ।
        वंगु दँय् थःपिंसं प्याखंया नितिं   झिंनिदँ न्ह्यः प्याखं पिदंगु र्इया  लागत स्वयां ६ पटकया अप्वः तयाः बजेटया नितिं माग याःसां सरकारं माःकथंया बजेट निकासा यायेगु नितिं गबलें अर्थमन्त्रालयसा गबलें संस्कृति मन्त्रालयस ब्वाँय् जुयाच्वने माःगु अवस्था दुगु प्याखँया सुरेश मालाकारं धयादी । न्हापां वंगु ०६८/०१/०९ गते २६,७८,८८८।- तका दांया माःग याःगु खः । थ्व कथं बजेटय् कौषितोषाखानाया नामय् अर्थमन्त्रालयपाखें १५ लख बजेट निकास याना ब्यूगु खः । तर, ल्यं दनिगु ११,७८,८८८।- थप बजेट धाःसा थौं प्याखं क्वचायेकाः तकं निकास याये फयाच्वंगु मदुनि । सरकारं बीगु यानातःगु बजेट नं मगानाः भैराद्यः गुथिइ मुनाच्वंगु ध्यबातकं खर्च जुयाच्वंगु दु। उकथं खर्च यायां गुथिइ ध्यबा फुइ धंकूगु नं गुथिय दांभरिं सुरेशं जानकारी बियादिल । सरकार पाखें ध्यवाः निकास याये मफयेवं पचली भैराद्यःया गुथिं ध्यवाः लिकायेत बाध्य जुयाच्वंगु व गुथि दुनेनं ध्यवाः फुइवं आः मेगु पुजाः यात छु यायेगु धइगु न्ह्यसः अप्वःया वंगु दु ।
गबलें थ्व मगाः, गबलें वः मज्यू धकाः तत्कालीन संघीय मामिला, संविधानसभा, संसदीय ब्यवस्था व संस्कृति मन्त्रालय नं स्पष्ट निर्ण्र्ााब्यूसा गबलें अर्थंमन्त्रालयया कर्मचारीपिसं पत्र हे थासय् मथ्यंकूसे दथुं हे तंका बीगु षडयन्त्र यानाच्वंगु दु ।
          देशय् जुजु दूगु इलय् पचली भैराद्यःया जात्रा न्हृयाकेत छुं समस्या मदु । अबलय् दरवारय् वनाः जात्राया नितिं बजेट काःवनेम्वाः । उमिसं हे बरु छिमिगु जात्रा त्यल छिपिं वाः धकाः सःता बजेट काःवयेत सुचं बीगु याइ । अथेला थुगुसिइ नं सरकारं सःताः छिमिगु जात्रा त्यल धकाः सुचना बिल । न्हापां गुलिनं बजेटया माग यानाः निकासाया नितिं धाःगु बजेट व बजेट तुरुन्त निकासा यायेगु याइ । तर थुगुसिइ प्याखं सिधइगु अवस्थाय् थ्यने धुंकाः नं माःगु बजेट कायेफयाच्वंगु मदु । जुजुं कौषितोसाखानाय् वनाः स्वयां गाः धकाः छ्वयाहःसां कर्मचारितय्गु कारणं अबले नं बजेट निकासा यायेत तसकं थाकु । पुरा ध्यवा कायेगु धैगु ला गबलें खनीमखु । छगू नं छगू त्वहः तयाःजूसां कर्मचारीतय्सं थज्याःगु षडयन्त्र याना हे च्वनी । तप्यंक घुसमाः धकाः धायेगु पलेसा अनेकन बहाना बाजी यानाः १/२ लख कटौति यानाः जक बजेट थःगु ल्हातय् लाइगु  न्हापां निसें जुयाच्वंगु खः ।
         अथेला न्हापा पचली भैराद्यःया प्याखं २०५५ सालय् जूगु खः । उगु इलय् तात्कालीन राजदरबारय् च्वंगु ध्यबा कौषितोषाखाना कार्यालयंपाखें च्वया छ्वइगु ध्यबाया आधारय् अर्थमन्त्रालयपाखें ध्यबा दाखिला यानाः निकासा यायेगु यानावया च्वंगु खः । तर, थौं अज्याःगु कथंया ज्या जुयाच्वंगु मदुनि  । नेवाःतय्गु संस्कृति विश्व म्हसीका बीगु माध्यम कथं स्थापित जुयाच्वंगु जुसां थुकीयात म्वाकेगु समस्या धाःसा तसकं अप्वः ।
पिं मनूतय्गु कारण थज्यागु समस्या अप्वया च्वंगु थ्व ध्यवा कायेगु नितिं निरन्तर जुयाच्वनादीपिंसं प्रतिक्रिया बियादी ।